Heilt sidan 1949 har prestegarden på Lofthus i Ullensvang vore forskingsstasjon for fruktdyrkinga i Noreg. Stasjonen har vore ein viktig bidragsytar til den enorme utviklinga som har skjedd innan fruktdyrkinga sidan den gong.
Den 3. april feirar me 75-årsjubileum for fruktforskinga i Ullensvang med ein innhaldsrik fagdag på hotell Ullensvang. Her får du høyra om alt frå fruktdyrkingshistorie og sortsutprøving til endringar i kulturlandskapet. Me skal og innom dyrkingsopplegg, plantevernstrategiar, lagringsteknologi, sidersmak og droner, for å nemne noko.
Ikkje minst får du treffa gamle og nye kollegaar frå fruktmiljøet. Me vonar å sjå deg i april!
Alle er velkomne.
Foto:Thomas Harris, NIBIO
Ynskjer du overnatting? Sjå eiga fane!
Informasjon
Førebels programoversikt
Programmet vil innehalda historisk oversyn over fruktdyrking, fruktforsking og sortsprøving. Det vert og smakebitar av kunnskapsbygging for fruktnæringa både ved NIBIO Ullensvang og hjå samarbeidspartar med fokus på aktuelle problemstillingar før og etter hausting.
Du får høyra om:
- Historia til fruktdyrkinga, fruktforskinga og sortsutprøvinga ved forsøksgarden
- Kunnskap om dyrkingsopplegg, plantevern, kvalitet og lagring
- Endra klima
- Fruktdyrkingslandskapet og økosystem
- Fruktlagera som navet i verdikjeda
- Sider og most - vidareforedling
- Grøn framtid
Reisemåtar og kontaktinfo
Med tog: Ta tog til Voss stasjon og buss vidare mot Odda. Stoppestad ved Ullensvang hotell
Med fly: Ta fly til Bergen og buss mot Odda, eller tog til Voss og vidare derifrå med buss mot Odda. Stoppestad ved Ullensvang hotell
Med bil frå Austlandet: Køyr europaveg 134 over Haukelifjell til Odda og vidare til Lofthus, eller køyr riksveg 7 over Hardangervidda, til Eidfjord og vidare langs fjorden til Lofthus.
For spørsmål, ta kontakt med: trude.magnussen@nibio.no
Dersom ein ynskjer overnatting frå den 2. til den 3. og/eller 3. til 4. må ein sjølv bestilla rom via lenkjene nedanfor. Ein må bestilla rom seinast 23. mars for å få avtalepris!
Hotellet har laga ei booking-lenkje for deltakarane som ynskjer å bu på hotellet:
Norsk: Hotel Ullensvang – Reservasjoner – Tilgjengelige rom
Engelsk: Hotel Ullensvang - Reservations - Room Availability
Med denne avtaleprisen kostar standard enkeltrom mot fjell: 1590,- per natt inklusive frokost og mellom anna fri tilgang til Ullensvang Bad.
Ynskjer ein rom med utsikt mot fjorden, er tilsvarande pris kr. 1990,- per natt.
Overnattinga vert betalt individuelt ved avreise.
Fristen for å bestilla overnatting online til avtalepris er 10 dagar før ankomst.